3 декабрь, Шәмбе

15 декабрь 2015 йыл, 9:57

Башҡортостанда Экология министрлығы ҡалдыҡтар менән эш итеүҙе оптималләштерергә ниәтләй

фото: Олег Яровиков

ӨФӨ, 2015 йыл, 15 декабрь. /«Башинформ» мәғлүмәт агентлығы, Ольга Мортазина/. Башҡортостанда Тәбиғәттән файҙаланыу һәм экология министрлығы ҡалдыҡтар менән эш итеү схемаһын әҙерләү өсөн башланғыс хаҡы 6 миллион һумдан ашыу тәшкил иткән дәүләт заказын үтәүсе эҙләй. Тендер документацияһында аңлатылыуынса, «Экология һәм тәбиғәт ресурстары» республика программаһы һәм «Етештереү һәм ҡулланыу ҡалдыҡтары тураһында» федераль законға үҙгәрештәр индереү тураһында»ғы 458-се Федераль законға ярашлы коммуналь хеҙмәттәрҙең эшен килтереү проекттың нигеҙе булып тора.

Башҡарыусы тикшеренеү эшен алып барырға һәм төбәк операторының ҡаты коммуналь ҡалдыҡтар менән эш итеү буйынса эш схемаһын төҙөргә мөмкин булған материал тәҡдим итергә тейеш.

Төп маҡсат — экологик йөкләмәне, ҡалдыҡтарҙы  кәметеү.