9 декабрь, Йома

14 декабрь 2015 йыл, 14:42

Баш ҡалала IT-инкубатор асылды

фото: Башҡортостандың Эшҡыуарлыҡ һәм туризм буйынса дәүләт комитеты

ӨФӨ, 2015 йыл, 14 декабрь. /«Башинформ» мәғлүмәт агентлығы, Ольга Мортазина/. Өфөнөң бәләкәй эшҡыуарлыҡты үҫтереү һәм уға ярҙам күрһәтеү фондында IT-инкубатор — мәғлүмәт технологиялары өлкәһендәге эшҡыуарлыҡ проекттарын ғәмәлгә ашырыу өсөн 60 эш урыны булған майҙансыҡ асылды.

Яңы эш башлаусы бизнесмендарға һәм фрилансерҙарға IT-инкубатор дүрт урынлыҡ офистар, мебель, интернет, белем биреү программалары тәҡдим итә. Бер эш урынының хаҡы — 2000 һум.

Башҡортостандың Эшҡыуарлыҡ һәм туризм буйынса дәүләт комитеты хәбәр итеүенсә, IT-технологиялар өлкәһендә өс йыл самаһы эшләгән Өфө эшҡыуарҙары резидент статусын алыу мөмкинлегенә эйә. Проекттары уңышлы тип табылған эшҡыуарҙарға өҫтөнлөк бирелә: офисты ташламалы хаҡ буйынса ҡуртымға алыу, эксперттарҙың бушлай ярҙамы һәм уҡытыу.