6 декабрь, Шишәмбе

08 декабрь 2015 йыл, 17:48

Башҡортостанда Ватан Геройҙары көнө уңайынан саралар уҙғарыла

фото: Олег Яровиков

ӨФӨ, 2015 йыл, 8 декабрь. /«Башинформ» мәғлүмәт агентлығы, Әлим Фәйезов/. Башҡортостанда Ватан Геройҙары көнөнә арналған байрам саралары уҙғарыла. 9 декабрҙә Туймазы районы хакимиәтенең йәштәр сәйәсәте, спорт һәм туризм буйынса бүлеге ошо иҫтәлекле датаға бағышланған «Һәр ваҡыт иҫтә тоторға!» социаль акцияһын ойоштора. Туймазы ҡалаһында һәм ҡасабаларҙа студенттар һәм уҡыусылар районда тыуып үҫкән Советтар Союзы Геройҙары, Бөйөк Ватан һуғышында ҡатнашыусылар тураһында мәғлүмәттәр яҙылған листовкалар, өс мөйөшлө хаттар таратасаҡ.

Уҡыу йорттарында Бөйөк Ватан һуғышы ветерандары, хеҙмәт, хәрби хәрәкәттәр һәм хәрби хеҙмәт ветерандары ҡатнашлығында балалар һәм йәштәр акциялары уҙғарыла. Мәҙәниәт учреждениелары тематик кисәләр һәм концерттар үткәрәсәк.

Райондың бөтә ауыл биләмәләрендә лә тантаналы саралар ойошторола. Был көндә һәләк булған яугирҙәрҙең һәйкәлдәренә сәскәләр һалынасаҡ, тип хәбәр иттеләр муниципалитет хакимиәтендә.