Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.60 ↑

EUR 63.23 ↓

17 ғинуар, Шишәмбе

Уфа   °

2016 йылда төбәктә уҡытыусылар электрон класс журналы менән эшләйәсәк

Йәмғиәт

ӨФӨ, 2015 йыл, 4 декабрь. /«Башинформ» мәғлүмәт агентлығы, Эльмира Сабирова/.

2016 йылда Башҡортостанда уҡытыусылар электрон класс журналы менән эшләйәсәк. Башҡортостан Хөкүмәте Премьер-министры Рөстәм Мәрҙәнов тейешле бойороҡҡа ҡул ҡуйҙы. Документҡа ярашлы, киләһе йылдың 15 ғинуарына тиклем Мәғлүмәтләштереү һәм «Асыҡ республика» системаһының эш итеүе мәсьәләләре буйынса дәүләт комитеты «Башҡортостан Республикаһында электрон белем биреү» порталында электрон журналды тултырыу өсөн техник мөмкинлек булдырырға тейеш. Бойороҡтоң үтәлешен контролдә тотоу вице-премьер Салауат Сәғитовҡа йөкмәтелгән.

Башҡортостандың Мәғариф министрлығы мәғлүмәттәре буйынса, әлеге ваҡытта төбәктәге 1362 дөйөм белем биреү мәктәбендә электрон журнал алып барыу мөмкинлеге бар, әммә әлегә бөтә уҡытыусылар ҙа яңы системаға күсмәгән.

Программа менән эшләгәндә һәр уҡытыусыға һәм ата-әсәләргә исем, пароль бирелә. Журналды тултырғанда бөтә кәрәкле мәғлүмәт шунда уҡ уҡыусының электрон көндәлегенә күсә, ата-әсәләргә баһалар, өйгә эш, уҡытыусыларҙың иҫкәртмәләре күренә. Әйткәндәй, балаларының электрон көндәлектәре булған күп кенә ата-әсәләр был яңылыҡҡа ыңғай ҡарай. Уларҙың фекеренсә, электрон көндәлектәр — баланың уҡыуҙа нисек өлгәшеүен күҙәтеү һәм өйгә эштең үтәлешен контролдә тотоу мөмкинлеге.

Теги: мәғариф
Яндекс цитирования
Рейтинг ресурсов "УралWeb" -->
закрыть