7 декабрь, Шаршамбы

03 декабрь 2015 йыл, 15:17

Матбуғатҡа яҙылыу декадаһында ҙур ташлама ҡаралған — Рәсәй почтаһы

 

ӨФӨ, 2015 йыл, 3 декабрь. /«Башинформ» мәғлүмәт агентлығы, Ольга Мортазина/. 3 декабрҙән 13-нә тиклем илдә матбуғатҡа яҙылыу декадаһы уҙғарыла: яратҡан баҫмаларығыҙға ташламалы хаҡҡа яҙылырға мөмкин. Рәсәй почтаһының Башҡортостан филиалында аңлатыуҙарынса, федераль баҫмаларға — 5, төбәк гәзит-журналдарына 10 процентлы ташлама ҡаралған. Рәсәйҙең Элемтә һәм киң коммуникациялар министрлығы раҫлаған исемлектәге социаль әһәмиәтле баҫмаларға иһә 15 процентлы ташлама яһала.

Ағымдағы матбуғатҡа яҙылыу компанияһында магистраль ташыуға, баҫма продукцияны төрҙәргә бүлеүгә һәм  яҙылыусыларға еткереүгә почта тарифтары туңдырылған. Шулай итеп, клиенттар өсөн баҫмаларҙы килтереү хаҡы үҙгәрмәгән һәм быға тиклемге кимәлдә ҡалған.