11 декабрь, Йәкшәмбе

27 ноябрь 2015 йыл, 14:26

Төбәктә Рәсәй менән Төркиә араһындағы мөнәсәбәттәр яйға һалыныр, тип өмөтләнәләр

фото: Олег Яровиков

ӨФӨ, 2015 йыл, 27 ноябрь. /«Башинформ» мәғлүмәт агентлығы, Артур Басиров/. Башҡортостанда Рәсәй менән Төркиә араһындағы мөнәсәбәттәр яйға һалыныр тип өмөтләнәләр. Был хаҡта бөгөн журналистар менән осрашыуҙа республика Хөкүмәте Премьер-министры Рөстәм Мәрҙәнов хәбәр итте.

Хәҙер ярайһы уҡ ҡатмарлы мәл — илдәрҙең артабан нисек хеҙмәттәшлек итәсәге хаҡында мәсьәлә хәл ителә. «Төркиә менән мөнәсәбәттәребеҙҙе дауам итергә мөмкинлек биргән ҡарарҙар ҡабул ителер, тип ышанабыҙ», — тине Рөстәм Мәрҙәнов.

Шуның менән бергә Премьер-министр Башҡортостандың Төркиә менән артабанғы хеҙмәттәшлеге федераль үҙәктең ҡарарына бәйле буласағын һыҙыҡ өҫтөнә алды.

Башҡортостанда төрөк капиталы ҡатнашлығында 90-дан ашыу предприятие эшләй.