9 декабрь, Йома

20 ноябрь 2015 йыл, 17:36

Йыл башынан республиканан 500-ҙән ашыу легаль булмаған мигрант сығарылған

 

ӨФӨ, 2015 йыл, 20 ноябрь. /«Башинформ» мәғлүмәт агентлығы, Ольга Мортазина/. Йыл башынан Башҡортостан приставтары 522 легаль булмаған мигрантты сығарған. Улар араһында 322 Үзбәкстан гражданы, 105 Тажикстан гражданы, 95 Азербайжан, Әрмәнстан, Вьетнам, Төркиә, Молдова, Ҡаҙағстан һәм башҡа дәүләттәрҙең граждандары бар.

Сентябрь уртаһында 400-гә яҡын кеше тыуған иленә ҡайтарылды.

Мигранттарҙы сик буйына килтереү һәм уларҙы сик буйы хеҙмәтенә тапшырыу — приставтарҙың бурысы, тип хәбәр иттеләр Башҡортостан Республикаһы буйынса Федераль суд приставтары хеҙмәтендә.