5 декабрь, Дүшәмбе

19 ноябрь 2015 йыл, 14:12

Башҡортостанда почта хеҙмәткәрҙәренең эш хаҡы арта

фото: Олег Яровиков

ӨФӨ, 2015 йыл, 19 ноябрь. /«Башинформ» мәғлүмәт агентлығы, Ольга Мортазина/. Башҡортостанда почта хеҙмәткәрҙәренең эш хаҡы арта. Рәсәй почтаһының республика филиалында аңлатыуҙарынса, 1 декабрҙән республика уртаса 10 процентҡа арттырыу ҡаралған 17 төбәк иҫәбенә ингән. Был этап һигеҙ меңгә яҡын кешене — хеҙмәткәрҙәрҙең 95 процентын тиерлек үҙ эсенә ала.

Киләһе этап 2016 йылдың февраленә тәғәйенләнгән: почтамттарҙың производство персоналдарына, водителдәргә, логистарға хеҙмәт хаҡы арттырыласаҡ.

Хеҙмәткә түләү системаһында ла ыңғай үҙгәрештәр көтөлә. 1,5 мең хеҙмәткәр эшкә ҡарап түләүҙән ваҡыт иҫәбенән түләүгә күсереләсәк. Планды үтәгән өсөн бонустар һәм премиялар системаһы һаҡланасаҡ.