6 декабрь, Шишәмбе

17 ноябрь 2015 йыл, 16:40

Шишмә районы ауылдарының береһендә ҡотороу ауырыуына карантин иғлан ителгән

 

ӨФӨ, 2015 йыл, 17 ноябрь. /«Башинформ» мәғлүмәт агентлығы, Розалиә Вәлиева/. 10 ноябрҙән Шишмә районының Илкәш ауылы биләмәһендә ҡотороу ауырыуына карантин билдәләнгән.

Тейешле указ республиканың рәсми хоҡуҡи мәғлүмәт интернет-порталында баҫылған.

Карантин биләмәһендә эт һәм бесәйҙәр күргәҙмәләрен уҙғарыу, йорт хайуандары менән сауҙа, ҡырағай йәнлектәрҙе аулау тыйыла.

Ветеринария идаралығына махсус комиссия, сирҙең таралыуына юл ҡуймау сараларын ойоштороу бурысы йөкмәтелгән.