11 декабрь, Йәкшәмбе

17 ноябрь 2015 йыл, 14:58

Республика урмансылары Яңы йыл шыршыларын әҙерләй башланы

фото: Башҡортостандың Урман хужалығы министрлығы

ӨФӨ, 2015 йыл, 17 ноябрь. /«Башинформ» мәғлүмәт агентлығы, Ольга Мортазина/. Башҡортостанда Яңы йыл шыршыларын әҙерләү башланды. Шыршы баҙарҙарына 120 мең ағас килтереү күҙаллана, тип хәбәр иттеләр республиканың Урман хужалығы министрлығында.

— Әлеге көндә Дыуан, Асҡын, Йылайыр, Ҡариҙел, Нуриман, Белорет һәм Бәләбәй райондарында шыршы әҙерләйҙәр. Тап ошо урмансылыҡтар «энәле матурҡайҙар» менән тәьмин итәсәк, — тине Башҡортостан Урман хужалығы министрлығының милек менән идара итеү, техник үҫеш һәм хеҙмәтте һаҡлау бүлеге етәксеһе урынбаҫары Альберт Бохаров.  

Уның һүҙҙәренсә, Яңы йыл шыршыларын әҙерләү 20 декабргә тиклем дауам итә.