7 декабрь, Шаршамбы

16 ноябрь 2015 йыл, 12:18

Даниил Квят Бразилияла алты мәрәй яуланы

фото: © Red Bull Media House

ӨФӨ, 2015 йыл, 16 ноябрь. /«Башинформ» мәғлүмәт агентлығы, Виктория Гаврилова/. Интерлагос трассаһында Бразилияның «Формула 1» Гран-приһы тамамланды. Унда яҡташыбыҙ Даниил Квят йәнә алты мәрәй яулап, финишҡа етенсе булып килде. Шәхси зачетта Даниил элеккесә етенсе урында һәм иҫәбендә 94 мәрәй.

2015 йылдағы һуңғы ярыш ике аҙнанан Абу-Дабиҙағы Яс утрауында уҙа. Яс-Марина трассаһы үҙ тарихында етенсе тапҡыр Гран-приҙы ҡабул итә, һуңынан «ҙур цирк» 2016 йылдың мартына тиклем каникулға сыға.