11 декабрь, Йәкшәмбе

10 ноябрь 2015 йыл, 17:04

Йыл башынан Өфөнөң Октябрьский районында 1205 сабый донъяға килгән

фото: Олег Яровиков

ӨФӨ, 2015 йыл, 10 ноябрь. /«Башинформ» мәғлүмәт агентлығы, Ксения Калинина/. Ағымдағы йылдың туғыҙ айында Өфөнөң Октябрьский районында 1205 бала тыуған. Был хаҡта райондың икенсе ЗАГС бүлеге мөдире Ризида Сибәғәтуллина хәбәр итте.

«Отчет осоронда икенсе ЗАГС бүлегендә 2297 гражданлыҡ хәле акттары теркәлгән, — тип билдәләне ул. — Демографик хәл яҡшырған — 1205 сабый тыуған (уҙған йылдың туғыҙ айында — 1163). Ғаиләләрҙә икенсе һәм унан һуңғы балаларҙың тыуыу осраҡтары артҡан».

Никахҡа инеүселәрҙең һаны ла артҡан — 595 (2014 йылда — 552). Никахты тарҡатыу күрһәткестәре элекке кимәлдә ҡалған — 279. Ғаилә ҡороусыларҙың йәше олоғая, никахты теркәмәй генә йәшәү киң тарала бара.