6 декабрь, Шишәмбе

06 ноябрь 2015 йыл, 9:51

Башҡортостан — тыуым кимәле буйынса Волга буйы федераль округында лидер

фото: Олег Яровиков

ӨФӨ, 2015 йыл, 6 ноябрь. /«Башинформ» мәғлүмәт агентлығы, Ксения Калинина/. Башҡортостанстат мәғлүмәттәре буйынса, төбәк — 2015 йылдың ғинуарынан сентябренә тиклем тыуған сабыйҙар һаны буйынса Волга буйы федераль округында беренсе урында.

Волга буйы федераль округында бөтәһе 296453 бала тыуған. Башҡортостанда — 44040 сабый, Татарстанда — 42262, Һамар өлкәһендә — 30764, Нижегородка өлкәһендә — 29953, Пермь крайында — 29168.

Башҡортостанда тыуыусылар һаны үлеүселәр һанынан 6,9 процентҡа артҡан (2014 йылдың ошо уҡ осоронда — 13,1 процент).

Волга буйы федераль округының ете субъектында тәбиғи үҫеш күҙәтелгән — Татарстанда (+6839 кеше), Башҡортостанда (2829), Удмурт Республикаһында (1908), Пермь крайында (719), Сыуаш Республикаһында (518), Мари Иле Республикаһында (272), Ырымбур өлкәһендә (19).