4 декабрь, Йәкшәмбе

30 октябрь 2015 йыл, 18:10

Башҡорт дәүләт университеты абитуриенттарҙы һәм уларҙың ата-әсәләрен Асыҡ ишектәр көнөнә саҡыра

фото: юғары уҡыу йортоноң сайтынан

ӨФӨ, 2015 йыл, 30 октябрь. /«Башинформ» мәғлүмәт агентлығы, Эльмира Сабирова/. Башҡорт дәүләт университеты абитуриенттарҙы һәм уларҙың ата-әсәләрен Асыҡ ишектәр көнөнә саҡыра. Сара 7 ноябрҙә уҡыу йортоноң төп корпусында уҙғарыла.

Программала ректорҙың, факультет декандарының, институт директорҙарының сығышы ҡаралған. Улар уҡыусыларҙың һәм ата-әсәләрҙең һорауҙарына яуап бирәсәк. Юғары класс уҡыусылары өсөн университеттағы факультеттарға, институттарға, лабораторияларға экскурсия ойоштороласаҡ. Бынан тыш, белем биреү программаларының презентацияһы һәм асыҡ лекциялар үткәреләсәк. Сара көндөҙгө сәғәт 12-лә башлана.

Белешмә өсөн телефон: (347) 229-97-21. Электрон почта: abiturient-bsu@yandex.ru.