5 декабрь, Дүшәмбе

27 октябрь 2015 йыл, 9:53

Республикала 2016 йылға Ураҙа һәм Ҡорбан байрамдары көнө билдәләнде

фото: Андрей Старостин

ӨФӨ, 2015 йыл, 27 октябрь. /«Башинформ» мәғлүмәт агентлығы, Арина Рәхимҡолова/. Башҡортостанда 2016 йылға Ураҙа һәм Ҡорбан байрамдары көнө билдәләнде. 2015 йылдың 26 октябрендә республика Хөкүмәтенең тейешле ҡарарына ҡул ҡуйылды.

«Башҡортостан Республикаһында байрамдар һәм иҫтәлекле даталар тураһында»ғы Законға ярашлы, 2016 йылда 5 июль — Ураҙа байрамы һәм 12 сентябрь — Ҡорбан байрамы көндәре тип иғлан ителә.

Ураҙа байрамы — Рамаҙан айының тамамланыуы хөрмәтенә билдәләнгән ислам байрам. Ул Мөхәммәт пәйғәмбәр заманынан, 624 йылдан, байрам ителә.

Ҡорбан байрамы — хаж тамамланыуын белдергән ислам байрамы. Ул Ураҙа байрамынан һуң 70 көн үткәс, Зөлхизә айының унынсы көнөндә билдәләнә.