5 декабрь, Дүшәмбе

26 октябрь 2015 йыл, 14:28

Башҡортостан ҡарабойҙай йыйыу буйынса Рәсәйҙә икенсе урында

фото: Андрей Старостин

ӨФӨ, 2015 йыл, 26 октябрь. /«Башинформ» мәғлүмәт агентлығы, Олеся Серёгина/. «ПроЗерно» яуаплылығы сикләнгән йәмғиәте күҙаллауынса, быйыл Рәсәй ҡарабойҙай йыйыуҙы арттырасаҡ. Уларҙың баһаһы буйынса, ҡарабойҙай етештереү 823 мең тоннаға етәсәк. Был былтырғыға ҡарағанда 24,3 процентҡа күберәк, тип хәбәр итә «Интерфакс».

Ғәҙәттәгесә, Башҡортостан Рәсәйҙә төп ҡарабойҙай етештереүселәр исемлегенә инә. Быйыл республикала 97 мең тонна йыйып алынған (2014 йылда — 64,5 мең). Алтай крайында — 335 мең (былтыр — 206 мең тонна), Орел өлкәһендә 77 мең (72 мең) тонна йыйылған.