3 декабрь, Шәмбе

20 октябрь 2015 йыл, 12:19

Өфөлә ял көндәрендә ойошторолған ауыл хужалығы йәрминкәләрендә 68,7 миллион һумлыҡ продукция һатылған

фото: Олег Яровиков

ӨФӨ, 2015 йыл, 20 октябрь. /«Башинформ» мәғлүмәт агентлығы, Ксения Калинина/. Өфөлә уҙған ял көндәрендә ойошторолған ауыл хужалығы йәрминкәләрендә 68,7 миллион һумлыҡ продукция һатылған. Баш ҡалала 2135 сауҙа нөктәһе булдырылды, 46 муниципаль райондарҙан 28 тонна бал, 645,3 тонна йәшелсә, 774,7 тонна картуф һатылды. Был хаҡта «Башинформ» агентлығына республика ауыл хужалығы министрлығының матбуғат хеҙмәтендә хәбәр иттеләр.

Көҙгө йәрминкәләр Өфө, Бәләбәй, Белорет, Благовещен, Ишембай, Октябрьский, Мәләүез, Салауат, Сибай, Стәрлетамаҡ, Туймазы ҡалаларында һәм Бөрйән, Кушнаренко, Көйөргәҙе райондарында уҙҙы.