8 декабрь, Кесе йома

19 октябрь 2015 йыл, 12:14

«Башҡортостан» ДТРК-һы хәбәрсеһе «ТЭФИ-Төбәк» финалына сыҡты

 

ӨФӨ, 2015 йыл, 19 октябрь. /«Башинформ» мәғлүмәт агентлығы, Ләйлә Аралбаева/. Омскиҙа «ТЭФИ-Төбәк» милли телевизион конкурсының ярымфиналы тамамланды. «ТЭФИ» финалсылары араһында «Башҡортостан» ДТРК-һы ла бар.

«Хәбәрсе» номинацияһында «Кешеләр һәм хайуандар» репортажы өсөн махсус хәбәрсе Юлиә Ниғмәтуллина финалсы дипломы менән билдәләнде. Был «Башҡортостан» ДТРК-һына төп приз — бронза Орфей өсөн көрәшергә хоҡуҡ бирә.

«Кешеләр һәм хайуандар» махсус репортажы Өфөлә булған ҡот осҡос хәлгә арналған. Унда берәҙәк эттәр туғыҙ йәшлек баланы өҙгөләп ташлай. Ошо фажиғәнән һуң хайуандарҙы һәм уларҙы яҡлаусыларҙы эҙәрләү башланды.