3 декабрь, Шәмбе

15 октябрь 2015 йыл, 15:53

Республикала өҫтөнлөклө инвестиция проекттары исемлеге тулыланды

 

ӨФӨ, 2015 йыл, 15 октябрь. /«Башинформ» мәғлүмәт агентлығы, Ксения Калинина/. Башҡортостанда өҫтөнлөклө инвестиция проекттары исемлеге тулыланды. Уға һаулыҡ һаҡлау, туризм, экология һәм сәнәғәт, ауыл хужалығы өлкәһендәге алты объект инде.

Төбәктең Иҡтисади үҫеш министрлығы хәбәр итеүенсә, һүҙ ҡунаҡхана, медицина үҙәге, иген эшкәртеү заводы, ҡошсолоҡ комплексы, көнкүреш ҡалдыҡтары полигоны төҙөү хаҡында бара.

Бөгөнгө көнгә исемлектә дөйөм хаҡы 310 миллиард һумдан ашыу тәшкил иткән 62 инвестиция проекты бар. 23 меңдән ашыу яңы эш урыны булдырыласаҡ, тип билдәләнеләр ведомствола.