Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 57.47

EUR 60.45

24 февраль, Йома

Уфа   °

Баш ҡалала «Йәшлек-шоу 2015» фестиваленә ғаризалар ҡабул ителә башланы

Мәҙәниәт

ӨФӨ, 2015 йыл, 14 октябрь. /«Башинформ» мәғлүмәт агентлығы, Ләйлә Аралбаева/.

Өфөлә «Йәшлек-шоу 2015» республика йәштәр фестиваленә ғаризалар ҡабул ителә башланы. Йыр бәйгеһендә республика һәм башҡа төбәктәрҙән 16 йәштән 35 йәшкәсә башҡарыусылар ҡатнаша ала. Конкурсҡа быға тиклем яңғырамаған өр-яңы йыр тәҡдим ителергә тейеш.

Ойоштороусылар иң яҡшы ҡатнашыусыларҙы 8 ноябрҙә Өфөгә саҡыра. Финалға 12 кеше сыға. Уларҙың берәүһен тамашасылар һайлап ала. 27 ноябрҙә «Башҡортостан» дәүләт концерт залында «Йәшлек-шоу 2015» фестиваленең финалы һәм гала-концерты уҙа. «Йылдың иң яҡшы төркөмө», «Йылдың иң яҡшы башҡарыусыһы», «Йылдың иң яҡшы альбомы», «Йыл асышы», «Йылдың иң яҡшы видеоклибы», «Йылдың иң яҡшы музыкаль сараһы» номинациялары буйынса еңеүселәр билдәләнә.

Ғаризалар 5 ноябргә тиклем yeshlekshow2015@mail.ru электрон почтаһына ҡабул ителә.

«Йәшлек-шоу 2015» республика йәштәр фестивале Башҡортостанда 1992 йылдан уҙғарыла. Ике тиҫтәнән ашыу йыл арауығында фестиваль-конкурс бик күп яңы исемдәр асты, йәш башҡарыусылар өсөн стимул булды. Улар араһында «Аҡйондоҙ», «Бүреләр», «Арғымаҡ» төркөмдәре, Гөлдәр Ишҡыуатова, МС Баш, Рәил Өмөтбаев һәм башҡа артистар бар.

Яндекс цитирования
Рейтинг ресурсов "УралWeb" -->
закрыть