10 декабрь, Шәмбе

07 октябрь 2015 йыл, 17:35

Ғәҙәттән тыш хәлдәр министрлығы 8 октябрҙә төбәктә дауыл сығыу ихтималлығы хаҡында иҫкәртә

фото: Олег Яровиков

ӨФӨ, 2015 йыл, 7 октябрь. /«Башинформ» мәғлүмәт агентлығы, Ольга Мортазина/. Башгидромет мәғлүмәттәре буйынса, 8 октябрҙә Башҡортостанда епшек ҡар яуыуы, елдең секундына 15-20 метрға тиклем көсәйеүе, боҙлауыҡ, электр сымдарына, ағастарға епшек ҡар йәбешеүе, ваҡытлыса ҡар ятыуы, төньяҡ-көнбайыш райондарҙа буран сығыуы көтөлә.

«Ошондай һауа шарттарында төрлө авариялар: ағастарҙың һыныуы, электр сымдарының өҙөлөүе, юл-транспорт ваҡиғалары булыуы ихтимал. Һаҡ булыуығыҙҙы һорайбыҙ», — тип мөрәжәғәт иттеләр граждандарға Башҡортостан буйынса Ғәҙәттән тыш хәлдәр министрлығында.

темалар: һауа торошо