7 декабрь, Шаршамбы

06 октябрь 2015 йыл, 12:43

Төбәктә йыл башынан ике миллиондан ашыу кеше Бәйләнеш үҙәге аша табипҡа яҙылған

фото: Олег Яровиков

ӨФӨ, 2015 йыл, 6 октябрь. /«Башинформ» мәғлүмәт агентлығы, Эльмира Сабирова/. Республикала йыл башынан 2 миллион 300 мең самаһы кеше Башҡортостан Һаулыҡ һаҡлау министрлығының Бәйләнеш үҙәге аша табипҡа яҙылған. Былтырғы ошо уҡ осор менән сағыштырғанда 4,4 тапҡырға күберәк.  

Ведомствоның матбуғат хеҙмәтендә билдәләүҙәренсә, табиптарға иртәнге 8-се яртынан киске сәғәт 7-гә тиклем 09383 берҙәм телефоны аша яҙылырға була. Бәйләнеш үҙәгенә 246-93-83 телефоны буйынса ла шылтыратырға мөмкин.

«Кеҫә телефонынан 09383 һандарын йыйғандан һуң медицина учреждениеһының кодын индерергә кәрәк. Әгәр шылтыратыусы кодты белмәй икән, уны Бәйләнеш үҙәге операторы менән тоташтырасаҡтар», — тип аныҡланы Башҡортостан Һаулыҡ һаҡлау министрлығының матбуғат хеҙмәте етәксеһе Светлана Ҡусҡарбәкова.

Бәйләнеш үҙәге аша участка терапевына, педиатрына, теш табибына, акушер-гинекологка яҙылырға мөмкин.