4 декабрь, Йәкшәмбе

29 сентябрь 2015 йыл, 17:22

Евразия ҡатын-ҡыҙҙар форумында ҡатнашыусылар Өфө менән тура бәйләнешкә сыҡты

фото: Евразия ҡатын-ҡыҙҙар форумы сайты

ӨФӨ, 2015 йыл, 29 сентябрь. /«Башинформ» мәғлүмәт агентлығы, Ғәлиә Нәбиева/. Санкт-Петербургта Евразия ҡатын-ҡыҙҙар форумы уҙҙы, унда 80 илдән 750-нән ашыу ҡатнашыусы йыйылды. Форумда тыныслыҡ һәм изгелек, ғаилә ҡиммәттәрен һаҡлау, терроризмға һәм наркоманияға ҡаршы көрәш мәсьәләләре тикшерелде.

Форумдың пленар өлөшөндә Өфө менән тура бәйләнеш ойошторолдо, был ваҡытта баш ҡалала «Тыныслыҡҡа һәм үҫешкә табан» ҡатын-ҡыҙҙар хәрәкәте түңәрәк өҫтәл уҙғара ине. Ҡатын-ҡыҙҙар форумда ҡатнашыусыларға һуғышты һәм бәхәсте туҡтатыу өсөн көстө берләштереү тәҡдиме менән мөрәжәғәт итте.

Федерация Советы Рәйесе Валентина Матвиенко Башҡортостан ҡатын-ҡыҙҙарының киләһе Евразия ҡатын-ҡыҙҙар форумын Өфөлә үткәреү тәҡдимен ижади тип баһаланы.

Әлбиттә, балаларҙың әсәй, тыныслыҡ һәм изгелек тураһында шиғырҙары сарала ҡатнашыусыларҙың береһен дә битараф ҡалдырманы», — тип билдәләне Башҡортостандан сенатор Лилиә Ғүмәрова.