4 декабрь, Йәкшәмбе

29 сентябрь 2015 йыл, 12:01

Республика Фәндәр академияһы президенты отставкаға китте

фото: Олег Яровиков

ӨФӨ, 2015 йыл, 29 сентябрь. /«Башинформ» мәғлүмәт агентлығы, Эльмира Сабирова/. Башҡортостан Фәндәр академияһы президенты Рәмил Бәхтизин отставкаға китте. 29 сентябрҙә «Башинформ» агентлығында уҙған матбуғат конференцияһында ул вәкәләттәрен һалыуы тураһында белдерҙе.

Рәмил Бәхтизин үҙенең ҡарарын республика Фәндәр академияһы башлығы һәм Өфө дәүләт нефть техник университеты ректоры вазифаларын бергә алып бара алмауы менән аңлатты. 2014 йылдан ул Өфө дәүләт нефть техник университеты ректоры вазифаһын башҡарҙы, 2015 йылдың 24 апрелендә ошо уҡыу йортоноң ректоры итеп һайланды.

Рәмил Бәхтизин 2011 йылдан алып Башҡортостан Фәндәр академияһын етәкләне.