10 декабрь, Шәмбе

28 сентябрь 2015 йыл, 13:14

Ғинуарҙа Башҡортостан халҡы ун көн ял итәсәк

фото: Олег Яровиков

ӨФӨ, 2015 йыл, 28 сентябрь. /«Башинформ» мәғлүмәт агентлығы, Ғәлиә Нәбиева/. 2016 йылдың ғинуарында Башҡортостан халҡын Яңы йыл каникулдары һәм Раштыуа байрамына тура килгән ун көнлөк ял көтә. 2016 йылда ял көндәрен күсереү тураһындағы ҡарарға Рәсәй Хөкүмәте Рәйесе Дмитрий Медведев ҡул ҡуйған.

Документҡа ярашлы, февралдә Ватанды һаҡлаусылар көнөндә — өс, мартта Халыҡ-ара ҡатын-ҡыҙҙар көнө уңайынан дүрт көн ял буласаҡ.

Ҡул ҡуйылған ҡарарға ярашлы 2016 йылда 2 һәм 3 ғинуарҙағы ял көндәре (шәмбе һәм йәкшәмбе) 3 майға һәм 7 мартҡа, ә 20 февралдәге (шәмбе) ял көнө дүшәмбегә, йәғни 22 февралгә күсерелә.