5 декабрь, Дүшәмбе

23 сентябрь 2015 йыл, 9:57

Яндекс.Тәржемәсе сервисында беренсе тапҡыр башҡорт теле барлыҡҡа килде

 

ӨФӨ, 2015 йыл, 23 сентябрь. /«Башинформ» мәғлүмәт агентлығы, Ләйлә Аралбаева/. Кисә Яндекс.Тәржемәселә тәүге тапҡыр башҡорт теле барлыҡҡа килде. Әлегә сервис һынау режимында эшләй — тәржемәләрҙә хаталар бар. Быға башҡорт теле морфологияһының ҡатмарлы булыуы һәм ундағы текстарҙың аҙлығы сәбәпсе.

«Мин башҡа телдәр менән эшләгәндә ошо сервистан файҙаланам. Тәржемәлә яңылышлыҡтар ҙа була, роботҡа ғына ышанырға ярамай. Әгәр ҙә аҙыраҡ телде белһәң, мәғәнәһен аңларға мөмкин. Әммә мине был яңылыҡ бик шатландырҙы! Ошо еңел булмаған эште башҡарыусыларға ярҙам итергә кәрәк», — тип иҫәпләй «Башҡортостан ҡыҙы» журналының баш мөхәррире, шағирә Гөлназ Ҡотоева.

«Юлдаш» радиоһы журналисы Зөһрә Арсаева фекеренсә, башҡорт телен тәржемәсе исемлегенә индереп, бөтә донъяға күрһәтер алдынан, уны тейешле кимәлгә еткереү зарур.

Яндекс.Тәржемәсе сервисы бөтәһе 64 тел менән эшләй.

темалар: башҡорт теле