Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.36 ↑

EUR 69.71 ↓

19 август, Шәмбе

Уфа   °

Башҡортостандың һәм Ҡытайҙың Сычуань провинцияһының сауҙа-сәнәғәт палаталары хеҙмәттәшлек тураһында килешеү төҙөнө

Йәмғиәт

ӨФӨ, 2015 йыл, 18 сентябрь. /«Башинформ» мәғлүмәт агентлығы, Розалиә Вәлиева/.

Башҡортостандың һәм Ҡытайҙың Сычуань провинцияһының сауҙа-сәнәғәт палаталары хеҙмәттәшлек тураһында килешеү төҙөнө. Республика Хөкүмәте сайтында хәбәр ителеүенсә, Башҡортостандың презентацияһы сиктәрендә Сычуань провинцияһының баш ҡалаһы Чэндуҙа хеҙмәттәшлек һәм сауҙа-иҡтисади алмашыуға ярҙам тураһында килешеүгә ҡул ҡуйылды.

Документҡа Сычуань экспорт-импорт сауҙа палатаһының генераль секретары Ван Инь һәм Башҡортостандың Сауҙа-сәнәғәт палатаһы вице-президенты Азат Фазлыев ҡул ҡуйҙы. Килешеү алмашыу өлкәһендә даими үҙ-ара килешеп эш итеүҙе ойоштороуҙы күҙ уңында тота. Быйыл ноябрҙә Сычуань провинцияһы эшҡыуарҙары делегацияһы Башҡортостанға килергә йыйына.

Республиканың презентацияһында Сычуань провинцияһы Халыҡ хөкүмәтенең рәсми кешеләре һәм Ҡытайҙың Рәсәй компаниялары менән берлектә эшләү мөмкинлектәре менән ҡыҙыҡһынған предприятие етәкселәре ҡатнашты. Сарала ҡатнашыусылар фекеренсә, үҙ-ара килешеп эш итеүҙе яйға һалыуҙа тәүге ҡаршылыҡты — төбәктәр һәм хеҙмәттәшлектең перспективалы йүнәлештәре хаҡында мәғлүмәттең етерлек булмауы — еңеп сыҡтыҡ. Башҡортостан һәм Ҡытай эшҡыуарҙарының яңы мөмкинлектәр менән ни тиклем һөҙөмтәле файҙаланыуы бик мөһим.

Яндекс цитирования
Рейтинг ресурсов "УралWeb"
закрыть