9 декабрь, Йома

17 сентябрь 2015 йыл, 19:02

Республиканың Милли музейында «Дәүләт банкы Ватанға хеҙмәт иткәндә» күргәҙмәһе асылды

фото: Андрей Старостин | видео: Мирон Доровских

ӨФӨ, 2015 йыл, 17 сентябрь. /«Башинформ» мәғлүмәт агентлығы, Розалиә Вәлиева/. 17 сентябрҙә Башҡортостандың Милли музейында «Дәүләт банкы Ватанға хеҙмәт иткәндә» күргәҙмәһе асылды.

Экспозицияға учреждениеның тарихы һәм Өфөнөң Театр урамында банк бинаһы төҙөлөшөн сағылдырған документтар ҡуйылған.

Күргәҙмәгә килеүселәр боронғо тәңкәләрҙе, шулай уҡ Сочиҙағы Олимпиадаға һәм Өфөлә үткән ШОС һәм БРИКС саммиттарына арналған аҡса билдәләрен күрә аласаҡ. Коллекцияла Рәсәйҙең Милли банкы фондынан совет заманындағы аҡсалар, талондар, векселдәр, ҡиммәтле ҡағыҙҙар каталогы бар.

Күргәҙмә 4 октябргә тиклем эшләй.