10 декабрь, Шәмбе

10 сентябрь 2015 йыл, 17:34

Өфөлә Ғ.Камал исемендәге Татар театрының гастролдәре башлана

 

ӨФӨ, 2015 йыл, 10 сентябрь. /«Башинформ» мәғлүмәт агентлығы, Ләйлә Аралбаева/. Бөгөн Өфөлә Ғ.Камал исемендәге Татар дәүләт академия театрының гастролдәре башлана. Гастролдәр 10 сентябрҙә М.Ғафури исемендәге Башҡорт драма театры сәхнәһендә Йон Фоссеның «Йәйҙең бер көнөндә» спектакле менән асыла.

10 сентябрҙән 17-нә тиклем күрше республиканың иң боронғо театры вәкилдәре Башҡорт академия драма театры һәм Өфө «Нур» татар театры сәхнәләрендә 10 спектакль күрһәтәсәк. Бөтә спектаклдәр ҙә рус теленә тәржемә ителә.

Башҡорт академия драма театры коллективы Силәбе өлкәһенә гастролдәргә сығырға әҙерләнә. 21 сентябрҙән 25-нә тиклем кескәй тамашасыларҙы Шарль Перроның «Итекле бесәй» әкиәте (В.Ганзенко, режиссеры И.Ҡаҙаҡбаев) менән осрашыу көтә, өлкәндәргә иһә Салауат Әбүзәрҙең «Хыялый» лирик комедияһы (режиссеры А.Йәнбәков) тәҡдим ителә. Башҡорт академия драма театры актерҙары Эҫем, Һатҡы, Миәс, Златоуст ҡалаларында, Тимирязев ҡасабаһында буласаҡ.

темалар: театр