9 декабрь, Йома

03 сентябрь 2015 йыл, 17:56

Башҡортостан финансҡа идара итеү сифаты буйынса Рәсәй төбәктәре араһында беренсе урын биләй

фото: Олег Яровиков

ӨФӨ, 2015 йыл, 3 сентябрь. /«Башинформ» мәғлүмәт агентлығы, Артур Басиров/. Башҡортостан федераль рейтингта финансҡа идара итеү сифаты буйынса төбәктәр араһында беренсе урын яуланы.

Башҡортостандың Финанс министрлығы хәбәр итеүенсә, был субъекттарҙағы финанс органдары эшмәкәрлегенең ете йүнәлешенән сығып баһаланған. Улар араһында ҡаҙнаны планлаштырыу, үтәү сифаты, бурыс йөкләмәләренә, дәүләт милкенә идара итеү, дәүләт хеҙмәттәрен күрһәтеү, муниципаль берәмектәр менән финанс мөнәсәбәттәре, бюджет процесының асыҡлыҡ дәрәжәһе, шулай уҡ Рәсәй Президентының «май указдарын» үтәүҙе сағылдырған күрһәткес бар.

Министрлыҡта әйтеүҙәренсә, Башҡортостан рейтингтың юғары баҫҡысын өс йыл рәттән биләй.