Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 56.55 ↑

EUR 63.61 ↓

24 май, Шаршамбы

Уфа   °

Башҡортостанда ваҡытынан алда тауыш биреү башланды

Сәйәсәт

ӨФӨ, 2015 йыл, 2 сентябрь. /«Башинформ» мәғлүмәт агентлығы, Арина Рәхимҡолова/.

2 сентябрҙә Башҡортостанда урындағы үҙидаралыҡ депутаттарын һайлауҙа ваҡытынан алда тауыш биреү башланды. Ул 12 сентябргә тиклем дауам итә.

Төбәктә һайлауҙың рәсми датаһына тиклем тауыш биреү урындағы үҙидаралыҡ органдарына һайлауҙар үткәргәндә генә ҡулланыла. Республика кимәлендәге һайлауҙарҙа тауыш биргәндә һайлаусы теркәүҙән төшөү таныҡлығы менән файҙалана ала. Ваҡытынан алда тауыш биреү өсөн етди сәбәп кәрәк. Мәҫәлән, отпуск, командировка, хеҙмәт һәм уҡыу эшмәкәрлеге режимы, сәләмәтлек торошо һәм башҡалар. Ваҡытынан алда тауыш биреүсе һайлау комиссияһына сәбәбен күрһәтеп ғариза бирә.

13 сентябрҙә Башҡортостандың 53 районында (Белореттан тыш) ауыл биләмәһе Советтарына депутаттар һайлау үткәрелә. Ике ҡала биләмәһе Советтарына — Шишмәлә һәм Приютта һайлау уҙғарыла. Өҫтәмә һайлауҙар ҙа ойошторола: Күмертауҙа һәм Туймазыла Башҡортостан Дәүләт Йыйылышы — Ҡоролтайға ике депутат, Өфө ҡала Советына бер депутат, шулай уҡ Әбйәлил, Мишкә, Стәрлетамаҡ район Советтарына һәм Учалы ҡалаһы ҡала биләмәһенә өҫтәмә һайлауҙар була. Бөтәһе 784 һайлау кампанияһы үтәсәк.

Яндекс цитирования
Рейтинг ресурсов "УралWeb" -->
закрыть