5 декабрь, Дүшәмбе

31 август 2015 йыл, 18:09

Башҡортостандан Полина Егорова йөҙөү буйынса донъя беренселегендә алтын миҙал яуланы

фото: Башҡортостандың Йәштәр сәйәсәте һәм спорт министрлығы сайтынан

ӨФӨ, 2015 йыл, 31 август. /«Башинформ» мәғлүмәт агентлығы, Эльмира Сабирова/. Башҡортостандан Полина Егорова Сингапурҙа уҙған юниорҙар араһында йөҙөү буйынса донъя беренселегендә еңеүсе булды. Ул ҡатын-ҡыҙҙарҙың ҡатнаш эстафетаһында алтын миҙал алды. Был юлы спортсы шәхси беренселектә миҙалдар яулай алманы, тип хәбәр итә Башҡортостандың Йәштәр сәйәсәте һәм спорт министрлығының матбуғат хеҙмәте.

Донъя беренселегендә 87 илдән йөҙөүсе ҡатнашты. Дөйөм алғанда, Рәсәй йыйылма командаһы 21 миҙал— ете алтын, дүрт көмөш, 10 бронза миҙалға лайыҡ булды һәм Австралия командаһынан ҡала икенсе урын алды. Өсөнсөлә — АҠШ командаһы.