Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 60.14 ↑

EUR 67.14 ↓

23 июнь, Йома

Уфа   °

Өфөлә «Мин исламды өйрәнәм» Бөтә Рәсәй конкурсы еңеүселәре билдәләнде

Йәмғиәт

ӨФӨ, 2015 йыл, 28 август. /«Башинформ» мәғлүмәт агентлығы, Арина Рәхимҡолова/.

Өфөлә «Мин исламды өйрәнәм» Бөтә Рәсәй балалар конкурсы еңеүселәре билдәләнде. Йыл һайын йәй аҙағында «Ләлә-Тюльпан» мәсетендә Ҡөрьән уҡыусыларҙың бәйгеһе уҙғарыла. Конкурстың даими эксперты — баш мөфтөй Тәлғәт Тажетдин.

Рәсәй мосолмандары Үҙәк диниә назаратының матбуғат хеҙмәте хәбәр итеүенсә, үҙҙәренең белемен һынап ҡарау өсөн төрлө төбәктәрҙән йөҙгә яҡын балалар һәм үҫмерҙәр килгән. Сығыштарҙы Рәсәй мосолмандары Үҙәк диниә назаратының Рәсәй ислам университеты уҡытыусыларынан торған жюри ағзалары баһаланы. Бәйге бер нисә этапта уҙҙы: Ҡөрьән аяттарын уҡыу, ислам нигеҙҙәре, Пәйғәмбәрҙең тәржемәи хәле һәм мосолман әхлаҡлылығы буйынса һорауҙарға яуап биреү, конкурс темаһы буйынса кроссворд сисеү, шулай уҡ Изге Китаптың сүрәләрен яттан һөйләү. Баш мөфтөйҙөң һорауына яуап биреү иң ҡатмарлы эштәрҙең береһе булды, сөнки уға алдан әҙерләнергә ярамай.

Һынау һөҙөмтәләре буйынса финалсылар билдәләнде. Беренсе урынға «Әс-Сәләм» командаһы (Силәбе) лайыҡ булды, икенсе урында — «Кәүсәр» (Өфө), өсөнсөлә — «Иман» төркөмө (Ҡариҙел районы). Призерҙарға иҫтәлекле бүләктәр, ҡалған ҡатнашыусыларға почет грамоталары тапшырылды. Конкурс күмәк намаҙ һәм байрам ашы менән тамамланды.

Яндекс цитирования
Рейтинг ресурсов "УралWeb" -->
закрыть