9 декабрь, Йома

27 август 2015 йыл, 16:56

Башҡортостанда ерҙең торошо һәм уны файҙаланыу процесы тикшереләсәк

 

ӨФӨ, 2015 йыл, 27 август. /«Башинформ» мәғлүмәт агентлығы, Сергей Захаров/. Ҡырмыҫҡалы, Стәрлетамаҡ, Хәйбулла һәм Шишмә райондарында 970 мең гектарҙан ашыу булған майҙанда ерҙең торошо һәм уны файҙаланыу буйынса мониторинг үткәреү планлаштырыла.

Росреестрҙың Башҡортостан буйынса идаралығының матбуғат хеҙмәтенән хәбәр итеүҙәренсә, ер төҙөлөшө өлкәһендә ошо дәүләт килешеүен «ЛИМБ» (Санкт-Петербург) предприятиеһы белгестәре башҡарасаҡ.

Ер кодексына ярашлы, ергә дәүләт мониторингы үткәреү — дәүләт экология мониторингының бер өлөшө генә. Уның төп маҡсаты — ер фонды торошон тикшереү, дәүләт ер кадастрын, ерҙе дөрөҫ файҙаланыу һәм ер төҙөлөшөн мәғлүмәти йәһәттән тәьмин итеү.