8 декабрь, Кесе йома

27 август 2015 йыл, 12:36

Быйыл Башҡортостанда туғыҙ меңдән ашыу кешегә талпан ҡаҙалған

фото: Олег Яровиков

ӨФӨ, 2015 йыл, 27 август. /«Башинформ» мәғлүмәт агентлығы, Гөлфиә Акулова/. Быйыл Башҡортостанда туғыҙ меңдән ашыу кешегә талпан ҡаҙалған. «Роспотребнадзор»ҙың республика идаралығынан хәбәр итеүҙәренсә, туғыҙ меңдән ашыу граждан талпан ҡаҙалыу сәбәпле медицина ойошмаһына мөрәжәғәт иткән. Шуларҙың өс меңгә яҡыны — балалар. Сағыштырыу өсөн: былтыр ошо уҡ осорҙа 11 меңдән ашыу кеше теркәлгән.

Лабораторияла тикшерелгән 7,5 меңдән ашыу бөжәктең 431-е энцефалит вирусы менән зарарлы булған, 665-дә боррелиоз сире асыҡланған. Быйыл талпан энцефалиты менән сирләү кимәле 2,7 процентҡа кәмегән.

Йәй аҙағына талпандарҙың әүҙемлеге һүлпәнәйеүгә ҡарамаҫтан, көҙгө һалҡын көндәрҙә лә зарарланған бөжәктең тешләүе ихтимал, тип иҫәпләй белгестәр.