Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 57.02 ↑

EUR 61.53 ↑

30 март, Кесе йома

Уфа   °

Бер айҙа республикала инфляция 0,7 процент тәшкил иткән

Иҡтисад

ӨФӨ, 2015 йыл, 7 август. /«Башинформ» мәғлүмәт агентлығы, Артур Басиров/.

Июлдә Башҡортостанда инфляция 0,7 процент тәшкил иткән. Росстат төбәк бүлексәһенең отчетына ярашлы, ағымдағы йылдың ете айында төбәктә ҡулланыусыларҙың хаҡтары 8,2 процентҡа артҡан. Алдағы айҙа был күрһәткес 7,4 процент булған.

Башҡортостанстат мәғлүмәттәре буйынса, республикала йыллыҡ инфляция 14,3 процент кимәлендә. Рәсәй буйынса был күрһәткес 15,6 процент тәшкил итә. Июлдә картуфҡа, кишергә, һарымһаҡҡа (11,5-25,0 процентҡа), алмаға (7,0), сәйгә, шәкәргә, онға, кәнфиткә, туңдырмаға (1,1-3,5), әфлисунға (26,7) хаҡтарҙың артыуы теркәлгән. Шул уҡ ваҡытта сөгөлдөр, кәбеҫтә, помидор һәм ҡыяр (12,0-39,8 процентҡа), лимон, виноград, банан (9,9-19,9), шулай уҡ йомортҡа (5,2) һәм ярмалар (1,9-2,6) арзанайған.

Тәмәке 5,2 процентҡа, яңы сит ил автомобилдәре — 3,9, бензин — 2,3, балалар кейеме 2,4 процентҡа ҡиммәтләнгән. Миҙгелле өҫ һәм аяҡ кейемдәренә, төҙөлөш материалдарына, көнкүреш техникаһына, компьютерҙарға, элемтә сараларына һәм алтын биҙәүестәргә хаҡтарҙың төшөүе күҙәтелә.

Яндекс цитирования
Рейтинг ресурсов "УралWeb" -->
закрыть