8 декабрь, Кесе йома

07 август 2015 йыл, 12:20

«Башавтотранс» Ҡара диңгеҙ буйындағы курорттарға маршруттар ойоштора

фото: Олег Яровиков

ӨФӨ, 2015 йыл, 7 август. /«Башинформ» мәғлүмәт агентлығы, Артур Басиров/. «Башавтотранс» дәүләт унитар предприятиеһы Ҡара диңгеҙ буйындағы курорттарға рейстар асты. Компания «Өфө — Гагра» һәм «Өфө — Адлер» йүнәлештәре буйынса август айында биш һәм сентябрҙә өс сәйәхәт планлаштырған.

Предприятиенан хәбәр итеүҙәренсә, төбәк-ара рейстарҙа 57 кеше һыйҙырышлы VDL 501E1 маркалы уңайлы автобустар йөрөй. Салонда телевизор, кондиционер ҡуйылған. Автобустар менән тәжрибәле водителдәр идара итә. Был юлда пассажирҙарҙың хәүефһеҙлеген гарантиялай.

«Өфө — Гагра» һәм «Өфө — Адлер» рейстары 10,15,19,24,28 августа һәм 2,6,11 сентябрҙә башҡарыласаҡ. Автобустар көндөҙгө сәғәт 2-нән Спорт һарайы майҙанынан ҡуҙғала.

темалар: башавтотранс