6 декабрь, Шишәмбе

03 август 2015 йыл, 16:21

Төбәктә халыҡты социаль яҡлауға тәүҙә билдәләнгән сумманан 4 миллиард һумға күберәк йүнәлтеләсәк

фото: Олег Яровиков

ӨФӨ, 2015 йыл, 3 август. /«Башинформ» мәғлүмәт агентлығы, Артур Басиров/. Башҡортостанда «Башҡортостан халҡын социаль яҡлау» республика маҡсатлы программаһының бюджеты 4 миллиард һумға арттырылған. Республика Хөкүмәтенең ҡарарына ярашлы, программаны ғәмәлгә ашырыуға 79,4 миллиард һум урынына 83,6 миллиард тотоноласаҡ.

Программаны тормошҡа ашырыуға республика бюджетынан 65,9 миллиард түгел, ә 66 миллиард һумдан ашыу йүнәлтеләсәк. Федераль бюджеттан 10,05 миллиард урынына 14,2 миллиард һум ҡаралған. Ошо маҡсатҡа бюджеттан тыш сығанаҡтарҙан 34,6 миллиард урынына 34,4 миллиард һум бүленәсәк.