Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 57.57 ↑

EUR 67.93 ↓

20 октябрь, Йома

Уфа   °

Республикала Әҙәбиәт йылына бағышланған «Әҙәби нағыш» марафоны дауам итә

Мәҙәниәт

ӨФӨ, 2015 йыл, 3 август. /«Башинформ» мәғлүмәт агентлығы, Әлим Фәйезов/.

Республикала Әҙәбиәт йылына бағышланған «Әҙәби нағыш» марафоны дауам итә. 3 августа марафонда ҡатнашыусыларҙы — Хәйбулла, 4-дә Баймаҡ райондарында, 5-дә — Сибай ҡалаһында, 11-дә — Учалы, 12-дә — Белорет, 18-дә — Әбйәлил, 22-дә — Бөрйән, 25-дә — Салауат, 29-да — Ҡыйғы райондарында көтәләр.

Был көндәрҙә йәш авторҙарҙың ҡулъяҙмалары тикшереләсәк, башҡорт яҙыусыларының китаптарынан күргәҙмә һәм матбуғатҡа, шул иҫәптән «Башҡортостан» гәзитенә яҙылыу ойоштороласаҡ. Ошо хаҡта «Башҡортостан» гәзитенең әҙәбиәт бүлеге мөдире, танылған шағирә Лариса Абдуллина хәбәр итте.

«Әҙәби нағыш» марафонын ойоштороусылар — Башҡортостандың Матбуғат һәм киң мәғлүмәт саралары министрлығы, Яҙыусылар союзы, «Башҡортостан» гәзите редакцияһы, Милли әҙәби музей, Әхмәт-Зәки Вәлиди исемендәге Милли китапхана, Зәйнәб Биишева исемендәге Башҡортостан «Китап» нәшриәте менән берлектә Башҡортостандың Мәҙәниәт министрлығы. Марафон республиканың бөтә райондарын һәм ҡалаларын иңләп сығасаҡ. «Башҡортостан» гәзитендә февралдән бөгөнгә тиклем уҙғарылған әҙәбиәт байрамдары хаҡында мәҡәләләр һәм йәш яҙыусыларҙың әҫәрҙәре баҫылған.

Яндекс цитирования
Рейтинг ресурсов "УралWeb"
закрыть