7 декабрь, Шаршамбы

31 июль 2015 йыл, 16:30

Ял көндәрендә төбәктә ямғыр яуасаҡ

фото: Андрей Старостин

ӨФӨ, 2015 йыл, 31 июль. /«Башинформ» мәғлүмәт агентлығы, Ғәлиә Нәбиева/. Йәкшәмбе, 2 августа, Башҡортостанда ҡойма ямғыр яуыуы, йәшен йәшнәүе, елдең тиҙлеге секундына 17-22 метрға тиклем көсәйеүе көтөлә. 31 июлдән 3 авгусҡа тиклем төбәктә юғары янғын хәүефе күҙаллана. Хәүефле һәм насар һауа шарттары тураһында күҙаллауҙы Рәсәй Гидрометеорология үҙәге баҫтырып сығарған.

Шәмбелә республикала бер аҙ ямғыр яуыуы ихтимал. Һауа температураһы үҙгәрмәйәсәк. Көндөҙ — 25-29, төндә 19 градус йылы буласаҡ.