Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 56.98 ↑

EUR 62.04 ↑

29 апрель, Шәмбе

Уфа   °

«Ватан» этнопаркы шиғриәт кисәһенә саҡыра

Мәҙәниәт

ӨФӨ, 2015 йыл, 23 июль. /«Башинформ» мәғлүмәт агентлығы, Эльмира Сабирова/.

Өфөләге «Ватан» этнопаркы «Йырым һиңә, Башҡортостаным!» тип аталған шиғриәт кисәһенә саҡыра. Сара бөгөн, 23 июлдә, үтә.

Өфө тамашасылары алдында Башҡортостандың халыҡ шағирҙары Рауил Бикбаев һәм Факиһа Туғыҙбаева, Салауат Юлаев исемендәге премия лауреаты Ирек Кинйәбулатов, танылған шағирәләр Тамара Ғәниева, Зөһрә Ҡотлогилдина, Әлфиә Әсәҙуллина, Тамара Искәндәриә, Шәйехзада Бабич исемендәге республика премияһы лауреаттары Тәнзилә Дәүләтбирҙина, Гөлназ Ҡотоева, Лариса Абдуллина, Зөлфиә Ханнанова, яҙыусылар Леонид Соколов, Салауат Вәхитов һәм башҡа әҙәбиәтселәр сығыш яһай.

Өфө хакимиәтенең матбуғат хеҙмәтенән хәбәр итеүҙәренсә, 23 июлдән 10 авгусҡа тиклем һәр кесаҙна «Ватан» этнопаркында ошондай мәҙәни саралар ойоштороласаҡ.

30 июлдә «Арғымаҡ» этнотөркөмөнөң сығыш яһауы көтөлә. Өфөләргә һәм баш ҡала ҡунаҡтарына «Халыҡтар дуҫлығы, әҙәбиәттәр дуҫлығы» тип исемләнгән китап күргәҙмәһе тәҡдим ителәсәк.  

Әҙәбиәт йылына арналған шиғриәт кисәһе киске сәғәт 7-лә башлана.

Шанхай хеҙмәттәшлек ойошмаһы һәм БРИКС саммиттары уҙғарылған көндәрҙә Өфө амфитеатрында асылған «Ватан» этник паркы 15 сентябргә тиклем эшләйәсәк.

Яндекс цитирования
Рейтинг ресурсов "УралWeb" -->
закрыть