9 декабрь, Йома

23 июль 2015 йыл, 16:53

Башҡортостан муниципалитеттарының яртыһында депутатлыҡҡа кандидаттар теркәү тамамланды

 

ӨФӨ, 2015 йыл, 23 июль. /«Башинформ» мәғлүмәт агентлығы, Ғәлиә Нәбиева/. Башҡортостанда һайлауҙа ҡатнашҡан 53 муниципаль райондың 25-ендә ауыл һәм ҡала биләмәләре Советтарына депутатлыҡҡа кандидаттар теркәү тамамланды. Төбәктә Берҙәм тауыш биреү көнө 2015 йылдың 13 сентябрендә үтәсәк. Башҡортостандың Үҙәк һайлау комиссияһы хәбәр итеүенсә, 23 июлгә 12274 кандидат теркәлгән. Бөтәһе 7300 депутат мандаты алмаштырыла.

Теркәлгән кандидаттарҙы түбәндәге сәйәси партиялар тәҡдим иткән: «Берҙәм Рәсәй» (6399), КПРФ (459), ЛДПР (347), «Ғәҙел Рәсәй» (218), «Рәсәй патриоттары» (251), «Ватанды һаҡлаусылар» (2), «Яблоко» (1), Башҡортостандағы «Пенсионерҙарҙың ғәҙеллек өсөн партияһы» (69), «Йәшелдәр» Рәсәй экологик партияһы» (12), «Йәшелдәр һәм социал-демократтар альянсы» (54), «Рәсәй пенсионерҙары партияһы» (4). 4458 кеше үҙ-үҙен күрһәткән.