Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.35 ↑

EUR 63.18 ↑

20 ғинуар, Йома

Уфа   °

Өфө бөтә Рәсәй Хәтер автоуҙышында ҡатнашыусыларҙы ҡаршы ала

Йәмғиәт

ӨФӨ, 2015 йыл, 23 июль. /«Башинформ» мәғлүмәт агентлығы, Эльмира Сабирова/.

Өфө «Диңгеҙҙән диңгеҙгә тиклем» бөтә Рәсәй хәтер автоуҙышында ҡатнашыусыларҙы ҡаршы ала. Улар баш ҡалаға шәмбе, 25 июлдә, килеп етәсәк. Өфөнөң йәштәр сәйәсәте комитетынан хәбәр итеүҙәренсә, көндөҙгө сәғәт 3-тә Еңеү паркында Мәңгелек утҡа сәскәләр һалыу тантанаһы уҙа. Артабан Сергей Полонскийҙың «1941-1945 йылдарҙағы ете бөйөк һуғыш» китабының исем туйы була. Автор китаптарын ҡала китапханаларына тапшырасаҡ.

«Диңгеҙҙән диңгеҙгә тиклем» хәтер автоуҙышы 22 июндә Кронштадтан старт алды. Ҡатнашыусылар 37 ҡалала булырға ниәтләй. Владивостокка барып етеп, 2 сентябрҙә Санкт-Петербургҡа кире ҡайтасаҡтар, унда Икенсе донъя һуғышының тамамланыуы уңайынан митинг үтәсәк.

Акцияның маҡсаты — совет яугирҙәренең Бөйөк Ватан һуғышындағы ҡаһарманлыҡтары тураһында хәтерҙе һаҡлау, герой-ҡалалар һәм хәрби дан ҡалаларының немец-фашист илбаҫарҙарын еңеүҙәге ролен яҡтыртыу.

Өфөлә сараны «Рәсәй офицерҙары» йәмәғәт ойошмаһы, баш ҡаланың йәштәр сәйәсәте комитеты һәм Йәштәрҙе патриотик тәрбиәләү үҙәге ойоштора.

Яндекс цитирования
Рейтинг ресурсов "УралWeb" -->
закрыть