8 декабрь, Кесе йома

22 июль 2015 йыл, 10:56

Республика парашютсылары Рәсәй чемпионатында призлы урын яуланы

 

ӨФӨ, 2015 йыл, 22 июль. /«Башинформ» мәғлүмәт агентлығы, Дмитрий Слезин/. Мәскәү өлкәһенең Руза ҡалаһында парашют спорты буйынса Рәсәй чемпионаты үтте.

Унда төрлө төбәктәрҙән 80-дән ашыу спортсы ҡатнашты. Башҡортостандың Парашют спорты федерацияһы командаһы составында Алексей Буренин (Өфө), Дмитрий Шляхов (Күмертау), Илдар Саяхов (Октябрьский) һәм Дмитрий Барсуков (Күмертау) сығыш яһаны.

Республиканың йыйылма командаһы төркөмләп һикереү буйынса өсөнсө урын алды. Шулай уҡ ЦСПК ВДВ (Рязань) һәм ЦСКА (Мәскәү) командаларынан бер аҙ ҡалышып, ике төр ярыш буйынса бронза миҙалға лайыҡ булды.

Парашюттан һикереү буйынса Дмитрий Шляхов өсөнсө урын яуланы. Алексей Буренин шәхси ике төр ярышта дүртенсе урын алды.