6 декабрь, Шишәмбе

22 июль 2015 йыл, 10:11

Башҡортостанға ураҡ эштәренә 3,96 миллиард һум талап ителә

фото: Андрей Старостин

ӨФӨ, 2015 йыл, 22 июль. /«Башинформ» мәғлүмәт агентлығы, Эльвира Латипова/. Республиканың Ауыл хужалығы министрлығы күҙаллауы буйынса, Башҡортостанда ураҡ эштәрен атҡарыуға сығымдар 3,96 миллиард һум тәшкил итәсәк. Шуларҙың 1,9 миллиард һумы — яғыулыҡ-майлау материалдарына, 1,66 миллиарды — ауыл хужалығы техникаһы өсөн запас частарға, 0,4 миллиарды машина-технология станцияларының хеҙмәттәрен түләү өсөн кәрәк, тип хәбәр иттеләр министрлыҡтың матбуғат хеҙмәтенән.

Ауыл хужалығы министрлығының иҡтисади анализ һәм һәм проектлау бүлеге мәғлүмәттәре буйынса, шәхси продукцияны һатыуҙан уңыш йыйыуға 2,19 миллиард һум китәсәк. 1,14 миллиард һумды банктарҙан алыу планлаштырыла.