9 декабрь, Йома

15 июль 2015 йыл, 15:30

Баш ҡалала йәшәүселәр эш биреүсегә һәм хеҙмәт хаҡын «конвертта» алыуға зарлана аласаҡ

 

ӨФӨ, 2015 йыл, 15 июль. /«Башинформ» мәғлүмәт агентлығы, Артур Басиров/. Баш ҡалала йәшәүселәр эш биреүсегә һәм хеҙмәт хаҡын «конвертта» алыуға зарлана аласаҡ. 16 июлдә Рәсәй Президентының республикалағы ҡабул итеү бүлмәһендә хеҙмәт ҡануниәтен үтәү, хеҙмәт килешеүҙәре төҙөү һәм тарҡатыу, эш, ял ваҡыты, хеҙмәткә түләү мәсьәләләре буйынса граждандар менән осрашыу ойошторола. Сараны төбәктәге Дәүләт хеҙмәт инспекцияһының бүлек етәксеһе Эльвира Бәхтизина уҙғара.

Осрашыу көндөҙгө сәғәт 2-лә башлана. Адресы: Цюрупа урамы, 100. Теркәлеү өсөн бер сәғәт алдан килергә кәрәк.