11 декабрь, Йәкшәмбе

10 июль 2015 йыл, 14:32

Өфөләге Конгресс-холда ШОС илдәре башлыҡтары ултырышы башланды

фото: сараның рәсми сайтынан

ӨФӨ, 2015 йыл, 10 июль. /«Башинформ» мәғлүмәт агентлығы, Ғәлиә Нәбиева/. Өфөлә Шанхай хеҙмәттәшлек ойошмаһы ағзалары булған дәүләт башлыҡтары Советы эшләй башланы. Рәсәй, Ҡытай, Ҡаҙағстан, Тажикстан, Ҡырғыҙстан һәм Үзбәкстан башлыҡтары фотоға төшкәндән һуң, Совет ултырышында үҙ-ара осрашыуҙар башланды. Һуңынан консультациялар делегация ағзалары ҡатнашлығында дауам итәсәк.

Саммитта ҡатнашыусылар Шанхай ойошмаһының 2014-2015 йылдарҙағы эшенә йомғаҡ яһаясаҡ, ойошма эшмәкәрлегенең мөһим мәсьәләләрен ҡараясаҡ, артабан үҙ-ара килешеп эш итеүҙең төп йүнәлештәрен билдәләйәсәк һәм мөһим халыҡ-ара, төбәк мәсьәләләре буйынса фекер алышасаҡ.