3 декабрь, Шәмбе

23 июнь 2015 йыл, 14:21

Башҡортостанда наркотиктарға ҡаршы көрәш буйынса ҡыҙыу линия ойошторола

 

ӨФӨ, 2015 йыл, 23 июнь. /«Башинформ» мәғлүмәт агентлығы, Эльмира Сабирова/. Башҡортостанда наркотиктарға ҡаршы көрәш буйынса ҡыҙыу линия асыла. Уны Халыҡ-ара наркотик матдәләр ҡулланыуға һәм уның законһыҙ әйләнешенә ҡаршы көрәш көнө уңайынан Ғаиләгә, балаларға, йәштәргә социаль-психологик ярҙам күрһәтеү республика үҙәге ойоштора.

26 июндә «Спайс нимә менән хәүефле?» ҡыҙыу линияһы һорауҙарына Наркотиктарҙың әйләнешенә контроллек итеү буйынса федераль хеҙмәттең Башҡортостан идаралығы, 1-се республика наркология диспансеры, Ғаиләгә, балаларға, йәштәргә социаль-психологик ярҙам күрһәтеү республика үҙәге белгестәре яуап бирә.

Шылтыратыуҙар иртәнге сәғәт 11-ҙән 1-гә тиклем 8 (347) 273-09-00 телефондары буйынса ҡабул ителә, тип аңлатма бирҙеләр Башҡортостан Йәштәр сәйәсәте һәм спорт министрлығының матбуғат хеҙмәтендә.

темалар: ҡыҙыу линия