10 декабрь, Шәмбе

18 июнь 2015 йыл, 17:57

Башҡортостанда 1783 кеше — йәмғиәтте өйрәнеү, 264-е химия буйынса БДИ тапшыра алманы

фото: Андрей Старостин

ӨФӨ, 2015 йыл, 18 июнь. /«Башинформ» мәғлүмәт агентлығы, Эльмира Сабирова/. Быйыл Башҡортостанда 1783 сығарылыш уҡыусыһы йәмғиәтте өйрәнеү буйынса Берҙәм дәүләт имтиханында минималь балды йыя алманы. Һайлау буйынса өҫтәмә предметтар араһында йәмғиәтте өйрәнеү фәне бик популяр — уны 10403 кеше һайлаған.

194 имтихан тапшырыусы 80 һәм унан күберәк балл туплаған. Йөҙ балға яҙыусылар теркәлмәгән, әммә Өфөлә, Күмертауҙа һәм Нефтекамала дүрт кеше 96 балл йыйған. Уртаса балл – 51,9.

Химия буйынса Берҙәм дәүләт имтиханында 3596 сығарылыш уҡыусыһы ҡатнашҡан. Уртаса балл — 57,4, 264 кеше минималь балды йыя алмаған.

Стәрлетамаҡтан, Күмертауҙан һәм Әлшәй районынан өс кеше 100 балға яҙған, 226 уҡыусы 80 һәм унан күберәк балл туплаған, тип хәбәр иттеләр Башҡортостандың Мәғариф министрлығынан.