10 декабрь, Шәмбе

18 июнь 2015 йыл, 15:27

Башҡортостанда 35 градус эҫе булыуы көтөлә

фото: Олег Яровиков

ӨФӨ, 2015 йыл, 18 июнь. /«Башинформ» мәғлүмәт агентлығы, Гөлфиә Акулова/. Башҡортостанда 35 градус эҫе булыуы көтөлә. Республиканың Гидрометеорология һәм тирә-яҡ мөхит мониторингы идаралығы мәғлүмәттәре буйынса, аҙна аҙағына тиклем көндәр ҡоро, эҫе торасаҡ, ҡыҫҡа ваҡытлы ямғыр яуыуы, дауыл сығыуы ихтимал.

Һауа температураһы төндә — 15-20, көндөҙ 30-35 градус эҫе буласаҡ. «Өфө буйынса иң юғары күрһәткестәр — 34 градус, Башҡортостан буйынса — 35 градус эҫе. Был аҙнала уртаса тәүлек температураһы норманан 7-8 градусҡа юғары», — тип хәбәр итте «Башгидромет»тың матбуғат секретары Елена Орлова.  

19 июндән 21-нә тиклем республиканың төньяҡ райондарында ҡыҫҡа ваҡытлы ямғырҙар яуыуы, йәшен ваҡытында елдең секундына 18-20 метрға тиклем көсәйеүе ихтимал. Өфөлә яуым-төшөм көтөлмәй.